Arnannguaq Coaching & Mentoring  Avaliações 

Siullermik nuliannut qujanarujussuaq. Inuunitta aqqutaani aqqut naapiffitsinniik nakkajaallutit annertoqisumik siunnersuisarnitit. Aammattaaq Arnannguaq coaching & mentoring uannut ammaanneqarnera ila nuannertaqaaq annissortakkatit tusarnaarlugit. tusarnaakkama ilaat sininniartarnermut tunngatillugu oqaravit qaammat missaani malugilerumaarlugu, kisianni uanga sininneq ajulertarneq atugarinikuullugu sapaatip akunneraanngitsoq sininniartarnikka tupinnartorsuarmik nuanneqisumik ulloq manna tikillugu atugariunnaarpakka siniliaartuaannartalernikuullunga. assullu ullorisakka nuannertaqalutik pilluarnersuarmiillunga imminut aqussinnaasannik. Arnannguaq ? qujanarujussuaq ilisimasannik taama annertutigeqisumik siammarterisinnaagavit.

Arnannguaq Coachingimut ilaasaleramali, imminut ukkatarilerpunga (kiisami). Paasivara imminut pingaartinnissaq qanoq pingaaruteqartigisoq❤️, timitalimmillu iliuuseqarsinnaaneq pikkoriffigineruleriartorlugu anguniagaqarninni. Uani paasisassat annertuut, qarasarput, eqqarsartariaaserput, timerput il.il🫶🏼 minnerunngitsumik malugisarlugu kisimiinnani, anguniagaqateqarluni, allat angusaat tusartarlugit🤍 peqqissiminanngissuaarpoq, imminut aqussinnaalernarpoq🤍

Arnannguaq Coaching mentoring annertuumik pissarsiaqarfiginikuuara ukiup ataatsip affaalu ingerlanerani, nammineq pillunga aaliangerneq pivoq, suna tamaat naqqaniik aallartillugu ingerlariaqqinnikuullunga, biilitaarlunga, suliffinnilu ineriartorujussuarpunga aqutsisunngorlunga, pisortaagallalerlungalu.

Innersuuterujussuarpara akiliutigisaniik inuttut pissarsiat naleqangaarnerupput 💪🏻

Peqqissiminanngisaannartoq inuttut ineriartorneq sammerusullugu ilaaffigissallugu toqqaraanni. Qulequtarpassuit iserfigineqarsinnaasaramik namminerlu aamma tempo malillugu ingerlaarusaartoqarsinnaalluni. Qanorluunniit arlaatigut inuttut ineriartornermi peqataasimagaluaraanni tusarnaangassat tusaqqikkaanni pissarsiat assiginngissinnaasarneri, qujanaq. Qujanaq Arnannguaq ilittut ittoqarmat, QUJANAQ 🌸.

Tusarnaarujoorlugit pissarsiaqarnartaqaat, ilaanni sanileralu marluulluta tusarnaarujoortaratta naagaangatalu eqqartueqatigiissinnaasarluta iluartaqaaq 🥰 Ajunnginnerusumik inuunissamut siunertaqarnerulerneq imminullu akuerinerulerneq malugeqaakka, aliasuttoqaraangat sunnertianikuugaluarama massakkut sunnertinnanga nuannaarusukkuma nuannaarsinnaavunga 🥰🤩 Qujanaq ❤️

Inuttut ineriartornermut peqataasarninni piffissami sivisunngikkaluartumi, inuuninni paasisimasaqassutsikkut qamuuna pisuunnguallaatigiuaannartarpara, maannamullu killiffinni eqqaasinneqartuarpugut inuuneq qanoq positiv-iunerutigisumik ulluinnaat ingerlanneqarsinnaatigigaluarnerannik, alloriarnissamut sakkussarpassuarnik pissarsiffigisarparput tupinnaannartumik eqqarsaatitta aqunnissaanut annertuumik paasisaqarnartarluni. Taamaattumik innersuuterujussuarpara tamanut, alloriarusuttunut. Siunnersuutissarpassuaqarpoq ilisimasanillu ulikkaarluni.

Inuppassuarnut piukkunnaqaaq. Pikkoreqaaq. Angusaqarnaqaaq. Inuttut inerikkiartorluarusukkussi saaffiginiarsiuk akiminut naleqqussuaarpoq pissarsiaqarnangaarmat.

Imminut naalaarnissannut aallaaviginissannut piffissaqarfiginissannut uisitserujussuartarpoq. Allanillu saqqummiussaanik pissarsiaqarnartorujussuusarluni. Tamanut innersuunnarujussuaqaaq pissarsiaqarnartuaannartarmat. 🥰

Ulluni pingasunik workshop-imi peqataaninnut pissarsiaqarnarujussuaq, kikkunnut tamanut innersuunnarsuaarpoq. Inuttut ineriartornarpoq, ingammik eqqarsartaatsikkut assut pissarsiaqarnarpoq.
Angerlarsimaffimmi eqqissisimaarsoriniarlita, timitaliillunga allannguinngikkaluarlinga suli eqqissisimaneruleqaagut meeqqallu. Innersuuppara Arnannguaq Coaching Mentoring

Ugguarnavianngilanga inuttut ineriartoqqinnissannut aqqutigisimagakku.

Iluarsuaarpoq! Pissarsiaqarnaqaaq. Inuttut uiallannarsuataarpoq. Peqqissiminanngilaq. 😊

Workshoppimi ulluni pingasuni ingerlasumi inuuninni apeqquterpaaluit amigaatigisimasakka aalajangersimasut akissutissarsilluinnarpakka aammalu aqqutissanni tammartuusinissannut sakkussarsilluinnarlunga. Taakkoqqissaat amigaatigisimasakka paasivakka.
Arnannguaq assut pikkorippoq paasinarluarluni saqqummiussillaqqillunilu. Innersuulluinnaqqissaarpara!

Februar challengemi peqataaninni aqqutissiuussisumma oqariartuutai ingasangaarmata alloriarniarninnut iliuuseqarnissara ersigiunnaarpara, pissutigalugu eqqarsartariaasera allanngortikkakkakku. Ingasarujussuarpoq, tupinnarlunilu oqariartuutit suliakkiussallu taama imartutigisinnaaneri, iliuuseqarnissannut oqinnerulersitsisut eqqarsartariaaseq peqqinnartoq oqariartuutigilluarakku💫

Inuttut killiffinga pittaanerulertikkusuttarnikuuara, ulluinnarni ileqqut atukkakka allanngortinnangit.
Arnannguaq coaching-mi peqataaninni paasivara killiffinga pittaanerulertinniarukku aamma ileqqunnik allanngortitsisariaqarlunga. Siunnersuutai malinnerulerakkit massakkut inuttut killiffinga siornatingorniit iluarisimaaneruara inuuneralu nuannerninngornikuuvoq.
Taamaammat Arnannguaq coaching kikkunnut tamanut innersuunnartorujuuvoq, inuttulluunniit killiffik pittaangaluarpat, aamma suli pittaanerulersinneqarsinnaammat.

Naatsumik ersarissumillu oqaaseqalaassaguma Arnannguaq Coaching & Mentoring peqataaninni, ilumut tunniussai naleqangaarmata nalunarporluunniit qanoq qujassalluni.
Tunniussai pimoorulluinnarlugit atorluaraanni qanoq allanngortoqartigisinnaanera tupiiin nuanneq! Allaat naleqarsorinngisarpassuit takusinnaalerlugit qanoq naleqartigisut.
Ilumut Arnannguaq qujanarujussuaq taamak annertutigisumik periarfissaqartikkatsigut!
Innersuuterujussuarpara tamanut, killiffiit qanoq ikkaluarpalluunniit.

Siullermik peqataaqqaarpunga September challenge-mut taanna sioqqullugu live-tarneri isiginnaartarpakka ❤️ Decembarimi challenge-mut peqataaqqiippunga, imminut aallaaviginissaq imminut piffissaqarfiginissaq paasileraluttuinnarpara peqataasarninni, aammalu paasilluinnarlugu qanoq pingaaruteqartiginersoq inuttut ineriartornermi imminut aallunnissaq, siullermik eqqarsartarnikuuvunga meeraqarama piffissaqarfigisinnaananga, piffisaqarfigituartarpakka filmerujoorneq mobilerujoornerluunniit siniliaapiloornerluunniit ullut tamapajaavisa, sunaaffa piffissaq imminut aallunnissamut nalitoorujussuusoq aammalu sunaaffa nammineq piffissaq sumut atorusunnerlugu aaliangertuaannarlugu, paasilerpara qanorluunniit meeraqartigigaluaruma imminut piffisaqarfigisinnaajuaannarlunga 🥰

Januar kick startimut peqataaninni aaliangerpugut aapparalu ukiup affaa peqataaniarluta 😍 aatsaat iluamik itinerusumik paasisaqarumagaanni, ileqqunik nutaanik aallartitsivunga soorunami unamminaqqaarpoq soorlu ullaakkut makiaarneq meeqqat sinilereerpata imminut piffissaqarfigineq, allaat filmerujoornerit soqutigiunnaarlugit aallartitsigaluaraanni tiguartissinnaannginneq 😄 ulluinnarni nukissaqarnerulerpunga, anguniaqarusulerlunga pissanganartunik nuannersunik eqqarsartariaasera nikisilaarnerani ulluinnarni nukissaqarnerulerneq malugaara 🥰 peqqisiminanngerujussuarpoq Arnannguaq-mut peqataaniarluta aaliangeratta, paasisassarpassuit nutaat suli puttussuupput 😍🥰 peqataarusuttut Arnannguamut peqataasarnissaannik innersuuppakka 💫

Arnannguaq Coaching & Mentoring takusaleqqaarakkuli soqutigiuaannarnikuuakka massakkumullu suli peqataasarninni peqqissimissuteqarnikuunanga akiliutinni, paasisat naleqangaarput ulluinnarnilu atoriaannaasarlugit 💝

Arnannguaq aqqutissiussineranut uannut sunniuterpassui nalitoqaat inuttut tarnikkut peqqinnarnerusumillu eqqarsartariaasrmeqalernissannut sakkussat amerlasuut tunniunneqarput soorlu makku : imminut asaneq : imminut naleqartinneq : imminut kusangineq : piffissamillu atorluaanerulernermik mobiilerpallaaraani , mediterinik atorluaaneq imminut piffissaqarfingineq , nuannarisanik aallussineq . Oqaasinnguisinnaaneq , sassarsinnaaneq , unneqqarinnerulerneq , ila ila sorpassuit peqqinnartunik eqqarsartariaqalernermik kinguneqartunik . QUJANAQ Arnannguaq ingerlalluarinalu

FebruarChallenge-mi peqataanera nuannerporaasiit, kingullerni ilaasarninni imminut tatigininngoriartornera malungisarpara, imminut qaangerlunga peqataariasaarlunga allaat. Tassaana arlaatigut pisussanut, ittuunngikkuma, annikinginngikkuma, piumaneq ajorama.
Februaarip aallartereersoq, Facebook-imi Kangerlussuup allagarsiiviani, KNR Tv-iimiit “Aqqusaaq” kina Kangerlussuarmioq piukkussinnaanersoq allassimasut, kingusiinnaa uanga takugakku. Sunaaffa atera allattaqattaarsimangaat 😅 eqqarsarlunga hajja, qanorilillungamita aamma…tassa piniinnartut, aarimmi messenger-ikkut Knr tv-imi sulisup Angajup allaffigisimangaanga…ingerlaannaq akinngilara, eqqarsapallak, Sapinngilatit imminut oqarfigillaataa, qaami misilissavara, pissangaammerlunga nuannersumik. Attavigeeriaratta, 14 februar Nuummukarpunga, HHE-Express-imi inilillarlunga, tupin…nuaan. 🥰
Imminut qaangertupajuungama, nersualaarallarlanga, 16 feb. Unnukkut 19.00 Knr tv-imukarpugut. Pinnersartikujulluta, allannguallarujullunga 🤗😅 20.00 aallartikkami, pissangalaarpunga, ittoorianngilangaluunniit, messenger-ikkut inuit 100 sinnillit allattuisimapput. Atuaqattaarakkit, killitinnarlutillu, quujanartullu, ilisarisimasarpassuit 💖 oqaasii, allataat isumaqat. Uannut isumalerujuit, asanat.💖 kinami taamatut eqqarsarpa, illit oqaaserisartakkatit kimittut iluaqutigeqaakkalu, iluaq, imminut tatigininngorluni, asaninngorlunga.
Unganaqaaraasiit, naammassilersungut, qujarujussuarpunga peqataasarninnut. Aqartarniarlutillu 😄🥰

Siornatigut imminut asanissara nalornisigisarnikuuara, qanoruna imminut asasartut eqqarsartarnikuuvunga. Ukiut marluk matuma siorna Arnannguaq Coaching peqataaffigeqqaarnikuuara, tassanngaanniit inuttut ineriartorneq aallutilerpara massakkut malugisinnaalernikuuara imminut asaneq, imminut naalaarnikkut.
Aammalu siornatigut kisimiissinnaasarnikuunngilanga avatangiisersorujussuarnerlu atugalugu, massakkut kisimiittarnera uannut isumaqarsuaalernikuuvoq, imminut marluinnaaqatigineq nuannarersuaartarpara🥰

Arnannguup liverneri isiginnaaginnarlugit eqqarsartaasera allanngornikuuvoq. Challengenullu ilaasalerama aatsaat iluamik aaliangiusimasinnaanera attannerulersinnaallugu. Ukiut 15-it pujortartarnikuuvunga unikkaluartarlungalu kisianni aallarteqqittuaannarlunga. Massakkut kingullermik unikkamali suli aallarteqqinngilanga kiisami cigaretsi pisariaqartikkunnaarpara. Massakkullu forløbemi aallartillunga, aallartilluarnissannut qilanaaqaanga.